قصيدة بر الوالدين نظم الشيخ محمد مرعازي

قصيدة بر الوالدين
نظم الراجي عفو ربه محمد مرعازي

الحربة

مَــــنْ بَـــرّْ بْــوَالِــدِيــهْ فْ حْـيَـاتُـــو مَـــــــــا يْــتْـــقْـــهَـــــار*
وَلاَ يَـصْــدْفْ تَــعْـتَـارْ * وَرْضَاهُمْ عَـنّو سَـارِي*
وَرْضَـــاتْ الله تْــكُــونْ لِـيـهْ سَــتْـــرَا فَـالـدُّنْــيَــــا وُلاَخْــــرَا*

القسم الأول

سِــيــغْ الْــقَــوْلْ الله فِـــــي كْــتَــابُــــو صَــحَّـــةْ لَـخْـــبَــــــارْ*
وْصِـيَّـة الْـكُـلّْ بَـشَـــارْ * مَنْ الْمُوْلَى نَعْمَ الْبَارِي*
بَـالاحْـــسَــانْ لَـلْـوَالِــدِيــنْ سِـيـمَـةْ لَــسْـــرَارْ الـطَّـــاهْـــــــرَا*

طَـابْـعْ رْضَــاهُــمْ عْـــلَــــى جْـبِـيـنْ الْـمَـرْضِـــي يَــظْـهَـــارْ*
وُعَـنْ وَجْـهُـو سَـتْـنَـارْ * ضَـيّْ الشَّمْسْ وُلَقْمَارِي*
مَــا يَـكْـشَــفْ لُــو دِيـنَــار وَسْـلَـعْــتُــو مَــا تَــبْـقَــى بَــايْـــرا*

وَالْــبَـــرَكَـــة فِــــي مَــــا يْــنَــاوْلْ بَــاضْــعَـــافْ اكْـــثَــــارْ*
مَــنْ الْــحَــيّْ الـسّْـتَّـارْ * الْـبَــــرّْ الْـكُـلّْ ابْـرَارِي*
مَـــنْ خَــفْـــضُـــو لَـجْــنَـــاحْ لـلِّــي نْــجَــبْــهُــم بْــلاَ شْــــرَا*

يَـــا غَــافْــلْ عَــنْ مَــا اقْــتَــسْــمُــو مَــنْ أَجْــلْــكْ تَــبْــهَــارْ*
لاَ تَــأْدِيــهُــمْ بَـالْـعَــارْ * وُلاَ تْــنْهَــرهُــم أَدَارِي*
كَــلْــمَــة أفّْ ايْــلَــى تْــقُــولْــهَــا لِــيــهُـم تَــبْــقَـى حَــاقْـــرا*

القسم الثاني

حَــمْــلَــتْ بِــــكْ امُّــكْ وُقَــلْــبْــهَـــا بَــالــفَــرْحَـــة صْـــبَّـــار*
تَــتْـرْجَّـــا كُــلّْ نْـهَــارْ * اِمْـــتَ بِــــكْ تْـــرَارِي*
وَتْــحَــضْــنَــكْ فِــي شُــونْـهَـــا وَتْــقُـــول حْــيَــاتِــي زَاهْــرَا*

وَنْــهَــارْ خْــرَجْــتِــي لَـلْوْجُــودْ بْــحَــكْــمَــةْ نَــعْــمْ الــسّْــتَّارْ*
بَـعْـدْ مْخَاضْ وُتَعْصَارْ * ؤُرَاتْـكْ بْ لَـبْـصَــارِي*
سَــعْــدَتْ بِــكْ ؤُبُــوك بَ لْــثْــنِــيــنْ فَــرْحَـتْـهُــمْ الْــغَــامْـرا*

أمُّـــكْ كُــــلّْ يُـــــومْ تْــــرَاعِــــيـــــــكْ دُونْ فْــــــتَــــــــــارْ*
بِــيــنْ الّْـيَالِي وَنْـهَـار * ؤُتَحْمِيكْ مَـنْ لَضْرَارِي*
وِلاَ تَــمْـرَضْ لِــيــهَـــا تْــبَــاتْ الليل فْ جَــنْــبَــكْ سَـاهْــرَا*

هَــاذَا دَوْرْ الْأمّْ وَاجْـــــبْ عْــلِــيــك لِـــيـــهَــــا تَــشْـــكَــــارْ*
وُطْـلَبْ نَـعْـمَ الْـغْـفَّـارْ * يَـمْـحِي عَـنْها لَوْزَارِي*
وُيَــسْــكَــنْــهَـــا فَــالــنّْــعِــيــمْ وُلَــهْــلْ لَـحْــسَـانْ مْـجَـــاوْرَا*

القسم الثالث

مَــنْ ظْــهَــرْ أَبُــوكْ كَـــــانْ نَـسْــلَــكْ وُلِــيــــهْ افْــتِـــخَــــارْ*
تَـحْـمَـلْ أَسْـمُو فْ لَثَارْ * ؤُخِيرْ الْخَلَفْ الـسَّـارِي*
لِــيــهْ تْــكُــونْ عْــويــنْ ؤُلِــيــكْ سَــنَــدْ ؤُحُــسْــنْ مْــبَـاشْـرَا*

مَــنْ ضَــعْــفْ بْــدَانُـــو يْـــخَــــرَّجْ الْــقُــوَّة كُــــلّْ نْـــهَـــارْ*
عَـنْ دْرَاعُـو بَالتّـشْمَارْ * لَلْقُوتْ يَجْرِي وَيْجَارِي*
مَــــــا يَــعْــيَــا وَلاَ يْــمَــلّْ صَـــابْـــرْ الْــكُــلْ مْـــغَـــامْـــرا*

يَــتْــمَــنَـــى فَــحْــيَــاتُـو يْـرَاكْ فَــعْـلُـو مْــراتَــبْ لَــكْـــبَـارْ*
نَــاجَــحْ فْـكُـلّْ مْــسَـارْ * بِـيـنْ الْـوَدْبَاتْ وُقَارِي*
هَــاذَا ظَــنُّــو فَــالْــكْــرِيــــمْ تَــسْــهَــالْ عْــلِــيـكْ الْـوَاعْـرَا*

لاَ تَــعْــصَــا لَـلْـوَالْــدِيــنْ قَـــوْلْ الــنُّــصْــحْ الْــمَــخْــتَــارْ*
لاَيْــنَّــهُــــمْ اجْـــفَــــارْ * نَـظْرَةْ الْـقَـلْبْ الْوَارِي*
هَــذَا دِيــنْ عْــلِــيــكْ مَـا تْــطِــيـقْ خْــلاَصُـو بَــمْـــعَـابْرَا*

القسم الرابع والأخير

الــرَّبْــحْ وُلَــغْــنَــى مَــنّْــهُـــــمْ أَلَــمّْـــنْ هُـــــوَ بَــــــــــارّْ*
يَـغْـرْفْ مَـنْ كُـلّْ أَبَـار * وَلاَ يَـوْجَــدْ عْــكَـــارِي*
مَــنْ مَــاهُــمْ يَــرْوَى زْلاَلْ صَــافِـــي بَـالْــخِــيـرْ مْـكَـاثْـرا*

لَــوْصَــايَــة بِــيــهَــا بْــدِيــتْ رَاسِـــــي مَـــانَــــا نْــكَّـــارْ*
وَلاَ تَـــابْـــعْ غَـــــرَّارْ * يْـرُوغْـنِي عَـنْ مْسَارِي*
لِــيــهُــمْ طَــعْــتْ فَــالْــحَــيَــاةْ وَبْــقَات رْضَاتْهُـمْ حَاضْرَا*

يَــا رْبِّ يَـــا رَاحْــمْ لَــعْــبَـــادْ مَــــنْ غِــيــرْ اسْــتِــشَــار*
ؤُفَـضْـلْـكْ مَـا يَحْصَارْ * نَسْعَاكْ ضَيّْ وُلسْحَارِي*
ارْحَــمْــهُــمْ يَــا دَالْــجْــلاَلْ وَغْــفَــرْ لْــيــهُــمْ فْــمَـا جْـرَا*

قَــالُــو لَــحْــدِيــثْ قْــيَــاسْ بَــالْــمْـعَــانِــي فِـيـهْ اعْـتِـبَـارْ*
بَاخْـتِـصَارْ فَ لْسْطَارْ * وَالْغِي مَنْ حَنْكُو كَارِي*
مَـــا يَــفْــقَــهْ كَــعُّـو مَـنْ الْبُعّْ حَــسْــبُـو مَـن لَهْـضَاضْـرَا*

وَالاَسْــمْ تَــسْــعِــيــنْ زِيــدْ جُــوجْ قْـــرَا زَيّْ الــشّْـــطَّــارْ*
اِلاَ كَـــنْـــتِ عَــيَّـــــارْ * تَـدْرِيـنِي هَـلْ لَـشْعَارِي*
فْ مَـكْـنَــاسْ أَمْـنْ تْــسَــالْ بَــهْــوَاهْ وَمْــــيَــــاهْ الْـوَافْـــرَا*

وَسْــلاَمِــي لَــهْــلَ الــسّْــلاَمْ مَـــنْ لاَ يَــرْضَـــاوْ الْعَــــارْ*
بْـطِـيبْ الْوَرْدْ وُلَزْهَارْ * وُأَرِيـجْ الْمَسْكْ وَقْمَارِي*
مَــنْ هُــمَــا قُــدْواتْ كُــلّْ خِــيــرْ وَالْــحَــسَــنَــاتْ مْكَابْرَا*

تَــــارِيــــــخْ الْــحُــلَّـــة زَمّْــمْ مَـــــنْ دُونْ الــتّــــعْـــــذَارْ*
تَــوْجَـدْ لَــرْقَــامْ جْهَارْ * فِي هَاذْ الشّْهَرْ الجَّارِي*
جُــمَــادَ الــثَّــــانِــــي فُـيهْ كَـمَّلْـتْ لَــقْــصِــيدَة الــثَّــامْــرا*
تمت بحمد الله وعونه